Cum audisset Job nuntiorum verba sustinuit patienter et ait si bona suscepimus de manu domini mala autem quare non suscipiamus in omnibus his non peccavit Job labiis suis neque aliquid stultum contra deum locutus est

Noctem illam tenebrosus turbo possideat non computetur in diebus anni nec numeretur in mensibus sit nox illa solitaria nec laude digna in qua dictum est conceptus est homo

Venite*

Nocte surgentes

Servite*

Memor fui nominis tui domine

Si bona suscepimus de manu domini mala autem quare non suscipiamus dominus dedit dominus abstulit sicut domino placuit ita factum est sit nomen domini benedictum

Tunc surrexit Job et scidit tunicam suam et tonso capite corruens in terram adoravit et dixit

Antequam comedam suspiro et tamquam inundantis aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Nolo multa fortitudine contendat mecum nec magnitudinis suae mole me premat aequitatem proponat contra me

Utinam appenderentur peccata mea quibus iram merui et calamitas quam patior in statera

Quasi harena maris haec gravior apparet unde et verba mea dolore sunt plena

Gloria*

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quae cogitastis explete

Si fuero judicatus scio quod justus inveniar

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut foenum arui memento

Memento mei deus quia ventus est vita mea nec aspiciet me visus hominis

Et non revertetur oculus meus ut videat bona

Gloria*

Paucitas dierum meorum finitur brevi dimitte me domine sine plangam paululum dolorem meum antequam vadam ad terram tenebrosam et opertam mortis caligine

Remitte mihi ut refrigerer priusquam abeam

Ne abscondas me domine a facie tua manum tuam longe fac a me et formido tua non me terreat

Voca me et respondebo tibi aut certe loquar et tu responde mihi

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

O custos hominum quare posuisti me contrarium tibi et factus sum mihimetipsi gravis parce mihi domine nihil enim sunt dies mei

Gloria*

Regnavit*