Ecce ego statuam pactum meum vobiscum et cum semine vestro post vos neque erit deinceps diluvium dissipans terram

Erit arcus meus in nubibus et videbo illum et recordabor foederis mei sempiterni

Benedicens ergo deus Noe ait nequaquam ultra maledicam terrae propter hominem ad imaginem quippe dei factus est homo

Hoc erit signum foederis inter me et terram arcum meum ponam in nubibus caeli

Gloria patri et filio et spiritui sancto

Secundum multitudinem miserationem tuarum domine dele iniquitatem meam

Deus meus es tu et confitebor tibi deus meus es tu et exaltabo te

Ad te de luce vigilo deus ut videam virtutem tuam

Hymnum dicite et superexaltate eum in saecula

Omnes angeli ejus laudate dominum de caelis

Cum turba plurima conveniret ad Jesum et de civitatibus properarent ad eum dixit per similitudinem exiit qui seminat seminare semen suum

Semen cecidit in terram bonam et attulit fructum aliud centesimum et aliud sexagesimum

Semen cecidit in terram bonam et attulit fructum in patientia

Jesus haec dicens clamabat qui habet aures audiendi audiat

Qui verbum dei retinent corde perfecto et optimo fructum afferunt in patientia

Vobis datum est nosse mysterium regni dei ceteris autem in parabolis dixit Jesus discipulis suis

Semen est verbum dei sator autem Christus omnis qui audit eum manebit in aeternum

Quod autem cecidit in terram bonam hi sunt qui in corde bono et optimo verbum dei retinent et fructum afferunt in patientia

Dum staret*

Quod autem*

Locutus est dominus ad Abraham dicens egredere de terra et de cognatione tua et veni in terram quam monstravero tibi et faciam te crescere in gentem magnam

Benedicens benedicam tibi et multiplicabo te

Revertenti Abraham a caede quattuor regum occurrit rex Salem Melchisedech offerrens panem et vinum erat enim dei sacerdos et benedixit illi

Benedictus Abraham deo altissimo qui creavit caelum et terram

Dixit autem dominus ad Abraham ego sum et pactum meum tecum sanctificetur in vobis omne masculinum et erit signum inter me et semen tuum

Ex te namque egredietur in quo omnes gentes benedicentur

Gloria patri et filio et spiritui sancto

Dum staret Abraham ad ilicem mambre vidit tres viros descendentes per viam tres vidit et unum adoravit

Cumque elevasset oculos apparauerunt ei tres viri stantes juxta eum

Clamor inquit dominus Sodomorum et Gomorrae venit ad me descendam et videbo utrum clamorem opere compleverint

Abraham stabat coram deo et ait absit a te domine ut perdas justum cum impiis

Ascendens ergo deus ad Abraham pluit ignem et sulphur super Sodomam Abraham mane consurgens stetit et eversas urbes a longe conspexit

Recordatus est deus Abraham et liberavit Lot de subversione Sodomae

Gloria patri et filio et spiritui sancto

Tentavit deus Abraham et dixit ad eum tolle filium tuum quem diligis Isaac et offerres illum ibi in holocaustum super unum montium quem dixero tibi

Vocatus quoque a domino respondit adsum et ait ei dominus

Angelus domini vocavit Abraham dicens ne extendas manum tuam super puerum eo quod timeas dominum

Cumque extendisset manum ut immolaret filium ecce angelus domini de caelo clamavit dicens

Deus domini mei Abraham dirige viam meam ut cum salute revertar in domum domini mei

Obsecro domine fac misericordiam cum servo tuo

Averte domine faciem tuam a peccatis meis et omnes iniquitates meas

LACUNA