Victricem manum tuam domine laudaverunt pariter alleluia quia sapientia aperuit os muti et linguas infantium fecit disertas alleluia alleluia

Cantate domino canticum novum quoniam mirabilia fecit

Haec dies quam*

Lapidem quem reprobaverunt aedificantes hic factus est in caput anguli a domino factum est et est mirabile in oculis nostris

Alleluia In die resurrectionis meae dicit dominus praecedam vos in Galilaeam

In die sollemnitatis vestrae dicit dominus inducam vos in terram fluentem lac et mel alleluia

Audi popule meus et loquar Israel si me audieris dabo vobis desideria cordis vestri

Non adorabitis deum alienum quia ego sum dominus deus vester qui eduxi vos de terra Aegypti

Populus acquisitionis annuntiate virtutes ejus alleluia qui vos de tenebris vocavit in admirabile lumen suum alleluia

Grates salvatori ac regi Christo dei solvant | Omnes insularum incolae | Quem spectatum diu jam tenent | Et leges ejus mentibus captent promptulis | Quos derelicto populo delegit Judaeo de Abrahae carne genito | Et per fidem quos Abrahae | Natos fecit et cognatos suos sanctum per sanguinem | O Christe consanguineae naturae nostrae nos fove | Atque per divinam potentiam tuere ab omni incursu inimici et insidiis | Quem per carnis edulium | Delusisti hamo tuae majestatis fili dei | Tu resurgens imperitas non moriturus amplius | Tu mortalem nostram et terream naturam resurgens incorruptivam fecisti atque caelis invexisti