Populus Sion ecce dominus veniet ad salvandas gentes et auditam faciet dominus gloriam vocis suae in laetitia cordis vestri

Qui regis Israel intende qui deducis velut ovem Joseph

Ex Sion species decoris ejus deus manifeste veniet

Congregate illi sanctos ejus qui ordinaverunt testamentum ejus super sacrificia

Alleluia Laetatus sum in his quae dicta sunt mihi in domum domini ibimus

Stantes erant pedes nostri in atriis Jerusalem

Deus tu convertens vivificabis nos et plebs tua laetabitur in te ostende nobis domine misericordiam tuam et salutare tuum da nobis

Benedixisti domine terram tuam avertisti captivitatem Jacob remisisti iniquitatem plebis tuae

Misericordia et veritas obviaverunt sibi veritas de terra orta est et justitia de caelo prospexit

Jerusalem surge et sta in excelso et vide jucunditatem quae veniet tibi a deo tuo