Si diligeretis me alleluia gauderetis utique alleluia quia vado ad patre alleluia alleluia alleluia

Omnis pulchritudo domini exaltata est super sidera species ejus in nubibus caeli et nomen ejus in aeternum permanet alleluia

Nisi ego abiero paraclitus non veniet dum assumptus fuero mittam vobis eum

Pater manifestavi nomen tuum hominibus quos dedisti mihi nunc autem pro eis rogo non pro mundo quia ad te vado alleluia

Alleluia ascendens Christus in altum alleluia captivam duxit captivitatem alleluia alleluia

Videntibus illis elevatus est et nubes suscepit eum in caelum alleluia

Cumque intuerentur in caelum euntem illum dixerunt alleluia

Viri Galilaei quid aspicitis in caelum hic Jesus qui assumptus est a vobis in caelum sic veniet alleluia

Exaltate regem regum et hymnum dicite deo alleluia

Elevatis manibus ferebatur in caelum et benedixit eis alleluia

O rex gloriae domine virtutum qui triumphator hodie super omnes caelos ascendisti ne derelinquas nos orphanos sed mitte promissum patris in nos spiritum veritatis alleluia