Mel et lac*

Virginis proles*

Specie tua*

Beata Agnes in medio flammarum expansis manibus orabat te deprecor venerande colende pater metuende quia per sanctum filium tuum minas evasi sacrilegi tyranni et carnis spurcitias immaculato calle transivi et ecce venio ad te quem amavi quem quaesivi quem semper optavi

Agnum sponsum virginum venite adoremus dominum Jesum Christum

Discede a me pabulum mortis quia jam ab alio amatore praeventa sum

Annulo suo subarrhavit me dominus meus Jesus Christus et tamquam sponsam decoravit me corona

Dexteram meam et collum meum cinxit lapidibus pretiosis tradidit auribus meis inaestimabiles margaritas

Specie tua*

Diem festum sacratissimae virginis celebremus qualiter passa sit beata Agnes ad memoriam revocemus tertiodecimo aetatis suae anno mortem pertulit et vitam invenit quia solum vitae dilexit auctorem

Infantia quidem computabatur in annis sed erat senectus mentis immensa

Pulchra facie sed pulchrior fide beata es Agnes respuens mundum laetaberis cum angelis intercede pro omnibus nobis