Sancte dei confessor Nicolae te venerantes protege namque credimus tuis precibus nos posse salvari
Qui tres pueros morti addictos illaesos abire fecisti laudibus instantem conserva plebem
Magne pater Nicolae summo patri proxime admiranda qua praecellis apud eum gratia a commissis nos emundans ne cadamus sustine
Jam per terras et per mare fama celeberrime refovendo tribulatos relevando naufragos
Ex ejus tumbae marmorea sacrum resudat oleum quo liniti sanatur caeci surdis auditus redditur et debilis quisque sospes egreditur
Catervatim ruunt populi cernere cupientes quae per eum fiunt mirabilia
Beatus Nicolaus adhuc puerulus multo jejunio macerabat corpus
Ecclesiae sanctae frequentans limina sacra pectori condebat mandata
Juste et sancte vivendo ad honorem sacerdotii meruit promoveri divinitus