...tat ad secessum
Sic sedula paupercula lavit istos illis stravit
Aman in patibulo dum Esther appendit holofernis dexteram in caput extendit et suum a periculo populum defendit
Manum mittens ad fortia sic vincit innocentia
O lampas ecclesiae rivos fundens olei medicina gratiae nutrimentum fidei tutelam prestans pavidis calorem minus fervidis medelam languidis
Tu dei saturitas oliva fructifera cujus lucet puritas et resplendent opera
Gloria patri et filio et spiritui sancto
Dominus Elisabeth induit decore cujus nunc parata est sedes in honore
Deo cum laetitia serviens puella sub magistri manibus sustinet flagella
Haec ad deum sitiens et currens in siti carnis desideriis didicit reniti
Domo rebus dum ablatis mendicat hospitium in camino paupertatis benedicit dominum