Tradiderunt corpora*

De palma*

Sint lumbi*

Isti sunt sancti*

Omnipotens deus*

Dic nobis quando*

Chorus resonet jubilantium in victissimo regi martyrum qui beato Kiliano cum suis sociis victoriam contulit passionis

Inter beatitudinis beatus Kilianus per fructum boni operis instituit fructificans velut lignum quod plantatum secus decursus aquarum in aucmento proficit

Socios assumpsit itineris qui eodem fervebant animo ut servirent in timore domino quia beati omnes qui confidunt in eo

Pergentes simul mirificati sancti viri signis et virtutum opere et signatum est super eos lumen vultus tui domine

Beatus Kilianus a Romano pontifice in praesulatus officium constitutus cum sacerdote Colonato et tomano levita populo veritatis erogavit semina

Quia rectum est verbum domini et omnia opera ejus infide

Comprobato per sanctos viros veritatis indicio roborata est sacre fidei religio recepta est in fonte baptismatis peccatorum remissio destructa est execrabilis idolorum superstitio

Periit memoria eorum cum sonitu et dominus in aeternum permanet

Mirabantur omnes novitatem omnes novitatem doctrinae et exuberantiam eloquentiae facundiam sermonum comitabatur efficatia vitutum

Concrevit in pluviam doctrina fluxit ut ros eloquium

Gloria patri et filio et spiritus sancto

Gloriati sunt in domino praesul sacer Kilianus et ejus socii coronati sunt ut scuto bone voluntatis domini

Nomen tuum sanctum est domine et in universa terra praedicatur admirabile qui etiam ex viris insulanis perfecisti laudem ut destrueres inimicum et ultorem

Praedicando verbum dei locuti sunt veritatem in corde suo nec egerunt dolum in lingua nec malum proximo

Praeclarus pontifex Kilianus pro ut divina manifestavit revelatio praescivit martyrii causam ex illicito principis conjugio

Beatus homo quem tu erudieris domine et de lege tua docueris eum

Persuasit athleta dei Kilianus principi ne diutuis adhaereret fratris conjugi docens quia non vocavit nos deus in immunditiam sed in sanctificationis gratiam

Lex domini immaculata convertens animas testimonium domini fidele saptientiam praestans parvulis

Armabatur furore mulier inproba cirum quaque ventilans furoris consilia tandem reperit duos carnifices qui clam interficerent sanctos martyres

Iniquitatem meditata est in cubili suo astitit omni viae non bone malitiam autem non odivit

O quam praeclara est sacris martyribus haereditas restituta ubi cum vultu tuo domine sunt ad impleti laetitia

Ista est generatio quaerentium dominum quos in aeternales portas introduxit caelestae desiderium

Laetare praesul et pater eximie martyr Kiliane exsulta pro aequali gloria sacerdos dei Colonate gloriare pro victoria pari levita Totnane preces simul fundite pro nobis testes invitissimi redemptoris

Hi praeclari viri possunt Eliae et Joanni digne comparari quos pari modo semineus furor impugnavit quia probibebat quod illicitum fuit

Narrantes laudes domini et virtutis ejus

Carnificum alter interiit se lanians dentibus alter se peremit effusis per gladium visceribus ipsa cruenta mulier daemonibus arrepta trasiit a praesentibus ad aeterne mortis tormenta

In inferno positi sunt mors depascet eos

Praecelsi meriti praesulem Kilianum comparis gratiae sacerdotum Colonatum et ejusdem sacramenti levitam Totnanium quicumque sinceritate cordis in vocat pro suis necessitatibus exaudiri se confidit ipsos toto veneremur affectu praecantes ut eorum sublevemur interventu

Gloria virtutis eorum tu es domine et in beneplacito tuo exaltati eos

Gloria patri et filio et spiritus sancto

Beatos martyres Kilianum et ejus socius induit dominus fidei decore firmavit passionis fortitudine triumphi praecinxit virtute

Introibant portas ejus in confessione pervenerunt ad gloriam regni sanguinis effusione

Quam multipliciter tibi domine defundavit caro martyrum quos suscepit dextera tua per gratiam et meritum

Hymnus idem non de fuit tribus istis martyribus voto martyrii quem cantabant in ignis camino tres pueri

Quanta laudis gloria haec est dei sanctis quam pretiosus martyrum Kiliani Colonati atque Totnani declaratur effusis sanguis quia omnes qui sincero corde requirunt eorum praesidia subsequitur pro necessitatibus apud deum bona voluntas et misericordia

O praecelsi bellatores Christi Kiliane Colonate atque Totnane supplicum preces Christo representate ut sicut mirifice miraculis et virtutibus declarata sunt vestre sanctitatis merita ita pro meritis vestris gratiam obtineat ecclesia