Stephanus autem plenus gratia et fortitudine faciebat prodigia et signa magna in populo

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus ut scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus