O crux benedicta quae sola fuisti digna portare regem caelorum et hominum
Adoramus te Christe et benedicimus tibi quia per crucem tuam redemisti mundum
Salvator mundi salva nos qui per crucem et sanguinem redemisti nos auxiliare nobis te deprecamur deus noster
O magnum pietatis opus mors mortua tunc est quando in ligno mortua vita fuit
Adoremus crucis signaculum per quod salutis sumpsimus sacramentum
Salva nos Christe salvator per virtutem crucis qui salvasti Petrum in mari miserere nobis
Per signum crucis de inimicis nostris libera nos deus noster
Crucem tuam adoramus domine tuam gloriosam recolimus passionem miserere nostri qui passus es pro nobis
Nos autem gloriari oportet in cruce domini nostri Jesu Christi