Factus est repente de caelo sonus advenientis spiritus vehementis ubi erant sedentes alleluia et repleti sunt omnes spiritu sancto loquentes magnalia dei alleluia alleluia

Et apparuerunt illis dispertitae linguae tamquam ignis seditque supra singulos eorum

Advenit ignis divinus non comburens sed illuminans non consumens sed lucens et invenit corda discipulorum receptacula munda et tribuit eis charismatum dona alleluia

Invenit eos concordes caritate et illustravit eos inundans divinitas deitatis

Jam non dicam vos servos sed amicos meos quia omnia cognovistis quae operatus sum in medio vestri alleluia accipite spiritum sanctum in vobis paraclitum ipse est quem pater mittet vobis alleluia

Quorum remiseritis peccata remittuntur eis

Verba quae locutus sum vobis alleluia spiritus et vita sunt alleluia

Ego sum panis vivus qui de caelo descendi si quis manducaverit ex hoc pane vivet in aeternum et panis quem ego dabo caro mea est pro mundi vita alleluia

Venit enim princeps mundi hujus et in me non habet quicquam sed ut cognoscat mundus quia diligo patrem et sicut mandatum dedit mihi pater sic facio alleluia