Loquere domine quia audit servus tuus

Cognoverunt omnes a Dan usque Bersabee quod fidelis Samuel propheta esset domini

Nonne iste est David de quo canebant in choro dicentes Saul percussit mille et David decem milia in milibus suis

Praevaluit David in Philisthaeo in funda et lapide in nomine domini

Iratus rex Saul dixit mihi dederunt mille et filio Isai dederunt decem milia

Quis enim in omnibus sicut David fidelis inventus est in regno suo egrediens et regrediens et pergens ad imperium regis

Mons Gelboe nec ros nec pluvia veniat super te quia in te abjectus est clipeus fortium clipeus Saul quasi non esset unctus oleo quomodo ceciderunt fortes in proelio Saul et Jonathas amabiles et decori valde in vita sua in morte quoque non sunt separati

Doleo super te frater mi Jonatha amabilis valde super amorem mulierum et sicut mater unicum amat filium ita te diligebam sagitta Jonathae numquam abiit retrorsum nec declinavit clipeus ejus in bello et hasta ejus non est aversa

Dixitque David ad dominum cum vidisset angelum caedentem populum ego sum qui peccavi ego inique egi isti qui oves sunt quid fecerunt

Saul et Jonathas amabiles et decori in vita sua in morte quoque non sunt separati aquilis velociores leonibus fortiores quomodo ceciderunt fortes in bello et perierunt arma bellica inclyti Israel flete

Rex autem David cooperto capite incedens lugebat filium dicens Absalon fili me fili mi Absalon quis mihi det ut ego moriar pro te fili mi Absalon

Unxerunt Salomonem Sadoc sacerdos et Nathan propheta regem in Gihon et exclamantes laeti dixerunt vivat rex in aeternum alleluia

Deus omnium exauditor est ipse misit angelum suum et tulit me de ovibus patris mei et unxit me unctione misericordiae suae

Dominus qui eripuit me de ore leonis et de manu bestiae liberavit me

Dominus qui eripuit me de ore leonis et de manu bestiae liberavit me ipse me eripiet de manibus inimicorum meorum

Misit deus misericordiam suam et veritatem suam animam meam eripuit de medio catulorum leonum

Montes Gelboe nec ros nec pluvia veniet super vos ubi ceciderunt fortes Israel

Omnes montes qui in circuitu ejus estis visitet dominus a Gelboe autem transeat

Ego te tuli de domo patris tui dicit dominus et posui te pascere gregem populi mei et fui tecum in omnibus ubicumque ambulasti firmans regnum tuum in aeternum

Fecique tibi nomen grande juxta nomen magnorum qui sunt in terra et requiem dedi tibi ab omnibus inimicis tuis

Exaudisti domine orationem servi tui ut aedificarem templum nomini tuo benedic et sanctifica domum istam in sempiternum deus Israel

Domine qui custodis pactum et misericordiam servis tuis qui ambulant coram te in toto corde suo

Domine si conversus fuerit populus tuus oraverit ad sanctuarium tuum tu exaudies in caelo domine et libera eos de manibus inimicorum eorum

Si peccaverit in te populus tuus et conversus egerit paenitentiam veniensque oraverit in loco isto

Audi domine hymnum et orationem quam servus tuus orat coram te hodie ut sint oculi tui aperti et aures tuae intentae super domum istam die ac nocte

Respice domine de sanctuario tuo et de excelso caelorum habitaculo

Peccavi super numerum harenae maris multiplicata sunt peccata mea et non sum dignus videre altitudinem caeli prae multitudine iniquitatis meae quoniam irritavi iram tuam et malum coram te feci

Quoniam iniquitatem meam ego agnosco et delictum meum coram me est semper tibi soli peccavi

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat domine ira tua a populo tuo et a civitate sancta tua

Praeparate corda vestra domino et servite illi soli et liberabit vos de manibus inimicorum vestrorum

Auferte deos alienos de medio vestri

Factum est dum tolleret dominus Eliam per turbinem in caelum elisaeus clamabat dicens pater mi pater mi currus Israel et auriga ejus

Oro domine ut fiat spiritus tuus duplex in me at ille si inquit videris quando tollar a te erit quod petisti

Planxit autem David planctu magno super Saul et Jonathan filium ejus et dixit quomodo ceciderunt fortes in bello et perierunt arma bellica

Montes Gelboe nec ros nec pluvia super vos descendat

Gloria patri et filio et spiritui sancto