Pater Abraham miserere mei et mitte Lazarum ut intinguat extremum digiti sui in aquam ut refrigeret linguam meam

Fili recordare quia recepisti bona in vita tua et Lazarus similiter mala

Rogo ergo te pater ut mittas eum in domum patris mei habeo enim quinque fratres ut testetur illis ne et ipsi veniant in locum hunc tormentorum

Dives ille guttam aquae petiit qui micas panis lazaro negavit

Quidam homo fecit cenam magnam et vocavit multos et misit servum suum hora cenae dicere invitatis ut venirent quia omnia parata sunt alleluia

Exi cito in plateas et vicos civitatis et pauperes ac debiles caecos et claudos compelle intrare ut impleatur domus mea alleluia

Domine factum est ut imperasti et adhuc locus est

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam alleluia

Quae mulier habens drachmas decem et si perdiderit drachmam unam nonne accendit lucernam et evertit domum et quaerit diligenter donec inveniat

Congratulamini mihi quia inveni ovem meam quae perierat dicit dominus

Dico vobis gaudium est angelis dei super uno peccatore paenitentiam agente

Fratres existimo enim quod non sunt condignae passiones hujus temporis ad futuram gloriam quae revelabitur in nobis alleluia

Estote ergo misericordes quia et pater vester misericors est alleluia

Nolite judicare ut non judicemini in quo enim judicio judicaveritis judicabimini dicit dominus

Ejice primum hypocrita trabem de oculo tuo et tunc videbis ut educas festucam de oculo fratris tui alleluia

Ascendens Jesus in navem et sedens docebat turbas alleluia

Praeceptor per totam noctem laborantes nihil cepimus in verbo autem tuo laxabo rete alleluia

Dixit autem dominus Simoni noli timere ex hoc enim homines eris capiens

Audistis quia dictum est antiquis non occides qui autem occiderit reus erit judicio

Si offers munus tuum ante altare et recordatus fueris quia frater tuus habet aliquid adversum te relinque ibi munus tuum ante altare et vade prius reconciliari fratri tuo et tunc veniens offerres munus tuum alleluia

Misereor super turbam quia ecce jam triduo sustinent me nec habent quod manducent et si dimisero eos jejunos deficient in via alleluia

Praecepit Jesus turbae discumbere super terram et accipiens septem panes gratias agens fregit et dabat discipulis suis ut apponerent et apposuerunt turbae alleluia

Accipiens dominus septem panes gratias agens fregit et dabat discipulis suis et apposuerunt turbae et manducaverunt et saturati sunt alleluia

Erant autem qui manducaverant quasi quattuor milia et dimisit eos

Fratres debitores sumus non carni ut secundum carnem vivamus

Attendite a falsis prophetis qui veniunt ad vos in vestimentis ovium intrinsecus autem sunt lupi rapaces a fructibus eorum cognoscetis eos alleluia

Non potest arbor bona fructus malos facere neque arbor mala fructus bonos facere

Non omnis qui dicit mihi domine domine intrabit in regnum caelorum sed qui facit voluntatem patris mei qui in caelis est ipse intrabit in regnum caelorum alleluia

Si quis fecerit voluntatem patris mei ipse intrabit in regnum caelorum alleluia

Dixit dominus villico quid hoc audio de te redde rationem villicationis tuae alleluia

Dixit autem villicus intra se quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Facite vobis amicos de mammona iniquitatis ut cum defeceritis recipiant vos in aeterna tabernacula

Cum appropinquaret dominus Jerusalem videns civitatem flevit super illam et dixit quia si cognovisses et tu quia venient dies in te et circumdabunt te et coangustabunt te undique et ad terram prosternent te eo quod non cognovisti tempus visitationis tuae alleluia

Videns dominus civitatem Jerusalem flevit super illam dicens quia si cognovisses quae ad pacem tibi nunc autem abscondita sunt ab oculis tuis

Scriptum est enim*

Domus mea*

Stans a longe publicanus nolebat oculos ad caelum levare sed percutiebat pectus suum dicens deus propitius esto mihi peccatori

Duo homines ascenderunt in templum ut orarent unus pharisaeus et alter publicanus pharisaeus stans haec apud se orabat deus gratias tibi ago quia non sum sicut ceteri homines raptores injusti adulteri velut etiam hic publicanus publicanus autem stans percutiebat pectus suum dicens deus propitius esto mihi peccatori

Deus propitius esto mihi peccatori

Dum transiret dominus per medios fines Tyri surdos fecit audire et mutos loqui

Quanto eis praecipiebat tanto magis plus praedicabant et eo amplius admirabantur dicentes bene omnia fecit et surdos fecit audire et mutos loqui

Bene omnia fecit surdos fecit audire et mutos loqui

Homo quidam descendebat ab Jerusalem in Jericho et incidit in latrones qui etiam despoliaverunt eum et plagis impositis abierunt semivivo relicto

Samaritanus quidam iter faciens et videns eum semivivum relictum misericordia motus est et approprians alligavit vulnera ejus infundens oleum et vinum duxit in stabulum et curam ejus egit

Quis tibi videtur proximus fuisse illi qui incidit in latrones et ait ille qui fecit misericordiam in illum vade et tu fac similiter alleluia

Dum intrasset Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit alleluia

Dixit autem dominus ad cultorem vineae ecce anni tres sunt ex quo venio quaerens fructum in ficulnea hac et non invenio succide ergo illam ut quid etiam terram occupat

Nolite solliciti esse dicentes quid manducabimus aut quid bibemus scit enim pater vester caelestis quid vobis necesse sit alleluia

Respicite volatilia caeli quoniam non serunt neque metunt neque congregant in horrea sed pater vester caelestis pascit illa nonne vos magis pluris estis illis

Considerate lilia agri quomodo crescunt non laborant neque nent dico autem vobis quoniam nec Salomon in omni gloria sua coopertus est sicut unum ex istis

Quaerite primum regnum dei et justitiam ejus et haec omnia adicientur vobis alleluia

Accessit Jesus ad loculum et ait adolescenti tibi dico surge et surrexit qui erat mortuus et coepit loqui alleluia

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Propheta magnus surrexit in nobis quia deus visitavit plebem suam

Cum intraret Jesus in domum cujusdam principis pharisaeorum sabbato manducare panem et ecce homo quidam hydropicus erat ante illum ipse vero apprehensum sanavit eum ac dimisit

Cum vocatus fueris ad nuptias recumbe in novissimo loco et dicat tibi qui te invitavit amice ascende superius et erit tibi gloria coram simul discumbentibus alleluia

Omnis qui se exaltat humiliabitur et qui se humiliat exaltabitur

Magne jucunditatis laetitia tua desiderata beatissima Fides recolimus sollemnia quae perfecte fidei fervens calore a Christi amore nullo poteras separari terrore nunc a dextris talis sponsi gloriosa astans regina nos illi omnes te laudibus venerantes continuis precibus commenda

Exsultantes deo salutari nostro jubilemus qui pro magnae fidei meritis beatam Fidem coronavit in caelis

Sancta Fides virgo fidelissima in civitate Agenno progenita tam stemmatis quam martyrii titulis extitit clarissima

Quae licet genere esset nobilis nobilior tamen enituit meritis nam lilio candidi virginitatis odorem bone protulit suavitatis

A primis enim cunabulis infantiae domini Jesu Christi succensa amore bonorum ei actuum scudiis coepit adhaerere

Aetatis teneritatem sensus maturitate vultus speciositatem Fidei superabat soliditate

Haec igitur prima in civitate prefata praeclara pro Christo patiendi fidelibus prebuit exempla

Ardebat namque desiderus corpus duris subdere tormentis ut per deus temporalem vitam possideret perennem

Regnantibus illis diebus Diocletiano et Maximiano profanis principibus per supernae patriae amore dulce fuit piis morti succumbere

Divino judicio permittente impiis cathedram insidentibus pestilentiae

A pessimis regibus nequissimus praeses Datianus directus ut sanctis omnium inferret genera poenarum furibundus urbem ingreditur Agennum

Adversus dominum et adversus ejus Christum funestum accurus bellum

Audita eximia beatissimae virginis Fidis opinione Datianus statim ministros misit suisque eam conspectibus praesentari praecepit

Os suum sicut Leo rapiens et rugiens aperuit

Gloria patri et filio et spiritui sancto

Requisita a ministris sacra dei virgo Fides undique se signo crucis munuit seque sponte requirentibus obtulit

Orabat quoque dominum ut sibi sermonem praeberet commodum quem ante sevientem apte proferret tyrannum

Igitur imperterrita virgo sancte crucis armata vexillo roborante se spiritu sancto Hilari praexit animo

Astante ea coram praeside ipsoque ejus vocabulum requirente Fides inquit nomine dicorum et opere

Requirente praeside cujus cultus ac Fidei regeretur religione sum inquit ab exordio infantiae professioni mancipata christiane

Domino Jesu Christo toto mentis affectu deservio illius nomen invoco ipsi me tota intentione committo

Datianus praeses mentis famulata tranquillitate cessa inquit bona puella a Christi confessione et venerande offer sacrificia Dyanae

Cujus os plenum erat amaritudine impie suadens et vane

Amabilis deo puella patrum inquit accepi traditione deos gentium daemonia esse ideo mihi ut eis sacrificem non poteris persuadere

Quia omnes confundentur qui eos adorare non verentur

Praeses Datianus minister iniquitatis crudelissimus ad beatam virginem Fidem aut inquit diis sacrificabis aut diversis te faciam interire tormentis

Illa se pro Christo mortificari et ut ovem occisionis cupiente aestimari

Gloria patri et filio et spiritui sancto

Virgo dei Fides alma quasi rosa super aquas plantata fructificavit dum caelestis amore candoris stolam suam in sanguine agni lavit

Impius judex Datianus nimio furore succensus sanctam Fidem lecto aeneo superponi et per quattuor partes extense ignem jussit superponi

Ut ejus corpus tenerum tam crudele disperderet supplicium

Sanctissima Christi virgo et martyr Fides ultro candentem conscendens craticulam secundum praesidis jussum extenditur et per flammeam cratim pro voluitur

Quia igne sancti spiritus urebatur interius per nihilo duxit quod exterius

Multi paganorum sancte Fidis compuncti constantia colla ab idolorum solventes cultura crediderunt in dominum Jesum Christum et gloriosum consecuti sunt martyrium

Non timentes occisores corporum quibus per Christo mori erat lucrum

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dexteris meis

Omnes enim vos fratres estis et patrem nolite vocare vobis super terram unus est enim pater vester qui in caelis est nec vocemini magistri quia magister vester unus est Christus

Colligite primum zizania et alligate ea fasciculis ad comburendum triticum autem congregate in horreum meum dicit dominus

Dixit dominus paralytico confide fili remittuntur tibi peccata tua

Cum vidisset Jesus fidem illorum dixit paralytico surge tolle lectum tuum et vade in domum tuam quia fides tua te salvum fecit alleluia