Ex regali prosapia dux Emericus oritur de radice pius pia surculus progreditur et in patris proles via recto calle graditur
Sidus sole gignitur et odor ex Libano dum de rege nascitur dux Emericus Stephano
Rubum flamma comprehendit comprehensum non incendit divino miraculo sic Emericum non offendit ardor carnis sed defendit deus a piaculo
Sicut hiems laurum non urit nec rogus aurum
In Egypto vanitatis novus Ioseph castitatis conservando lilium in se duplex tam etatis quam carnalis voluptatis edomat incendium
Virgo vivit illibatus virginis in gremio igne non est estuatus ignis manens medio
Vanitatem respuens heret veritati falli docens homines datos vanitati