Istorum est enim regnum caelorum qui contempserunt vitam mundi et pervenerunt ad praemia regni et laverunt stolas suas in sanguine agni

Secus decursus aquarum plantavit vineam justorum sed in lege domini fuit voluntas eorum

Praedicans praeceptum domini constitutus est in monte sancto ejus

Filii hominum scitote quia dominus sanctum suum mirificavit

Scuto bonae voluntatis tuae coronasti eum domine

In universa terra gloria et honore coronasti eum

Habitabit in tabernaculo tuo requiescet in monte sancto tuo

Sanctis qui in terra sunt ejus mirificavit omnes voluntates meas inter alios

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Herodes iratus occidit omnes pueros in Bethleem Judae civitate David

Angeli eorum semper vident faciem patris

Vox in Rama audita est ploratus et ululatus Rachel plorans filios suos

Sub throno dei omnes sancti clamant vindica sanguinem nostrum deus noster

Cantabant sancti canticum novum ante sedem dei et agni et resonabat terra in voces illorum

Hi sunt qui cum mulieribus non sunt coinquinati virgines enim sunt et sequuntur agnum quocumque ierit

Laverunt stolas suas et candidas eas fecerunt in sanguine agni

A bimatu et infra occidit multos pueros Herodes propter dominum

Ambulabunt mecum in albis quoniam digni sunt et non delebo nomina eorum de libro vitae

Sinite parvulos venire ad me talium est enim regnum caelorum

Hi sunt qui venerunt ex magna tribulatione et laverunt stolas suas et dealbaverunt eas in sanguine agni