Respondens autem dominus dixit virginibus amen dico vobis nescio vos vigilate itaque nescitis diem neque horam

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

O quam pulchra es casta generatio cum claritate

In caelis gaudent virgines et cantent canticum novum ante dei thronum quia notum fecit dominus salutare suum

Adjuvabit eam deus*

Non eris inter virgines fatuas dicit dominus sed eris inter virgines prudentes accipientes oleum laetitiae lampadibus suis obviantes obviaverunt sponso cum palma virginitatis

Venientes autem venient cum exsultatione portantes manipulos suos

Haec est virgo sapiens quam dominus vigilantem invenit quae accepta lampada sumpsit secum oleum et veniente domino introivit cum eo ad nuptias

Inventa bona margarita dedit omnia sua et comparavit eam

Simile est regnum caelorum decem virginibus quae accipientes lampades suas exierunt obviam sponso et sponsae

Prudentes autem virgines acceperunt oleum in vasis suis cum lampadibus

Regnum mundi et omnem ornatum saeculi contempsi propter amorem domini mei Jesu Christi quem vidi quem amavi in quem credidi quem dilexi