Unus spiritus et una fides erat in eis

Tradiderunt corpora sua propter deum ad supplicia et meruerunt habere coronas perpetuas

Isti sunt qui venerunt ex magna tribulatione et laverunt stolas suas in sanguine agni

Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro via sine impedimento

Victricem manum tuam laudaverunt pariter et decantaverunt domine nomen sanctum tuum

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Justi autem in perpetuum vivent et apud dominum est merces eorum

Sanguis sanctorum martyrum pro Christo effusus est in terris ideo adepti sunt munera sempiterna

Vindica domine sanguinem sanctorum tuorum qui effusus est

Exsultent justi in conspectu dei*

Verbera carnificum non timuerunt sancti dei morientes pro Christi nomine ut heredes fierent in domo domini

Immania enim pro Christo in suis corporibus pertulerunt tormenta