Laetabitur justus in domino et sperabit in eo et laudabuntur omnes recti corde

Beatus quem elegisti domine habitabit in atriis tuis

Justus ut palma florebit sicut cedrus Libani multiplicabitur

Gloria et honore coronasti*

Iste cognovit justitiam et fecit mirabilia magna et exoravit altissimum et inventus est in numero sanctorum

Iste est qui contempsit vitam mundi et pervenit ad caelestia regna

Stolam jucunditatis induit eum dominus et coronam pulchritudinis posuit super caput ejus

Cibavit illum pane vitae et intellectus et aqua sapientiae salutaris potabit illum

Coronam auream super caput ejus expressa signo sanctitatis gloriae honoris et opus fortitudinis

Quoniam praevenisti eum in benedictionibus dulcedinis posuisti in capite ejus coronam de lapide pretioso

Hic est vere martyr qui pro Christi nomine sanguinem fudit qui minas judicum non timuit nec terrenae dignitatis gloriam quaesivit sed ad caelestia regna pervenit

Justum deduxit dominus per vias rectas et ostendit illi regnum dei

Hic vir despiciens mundum et terrena triumphans divitias caelo condidit ore manu