Non veritus incredulae gentis expetere feritatem quia virtutem suam praeteritarum poenarum recordatio roborabat

Ecclesia illisque necdum in locis erat et populus ille novam construxit ac officia servientium clericorum ex more constituit probatasque personas honore secundi ordinis ampliavit

Cinctus ergo fide et misericordiam anteponens paulatim sociabat deo quos diabolo subtrahebat

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

Laetamini in domino*

Post passionem domini in universis gentibus praedicatio profutura successit ita ut fide crescente multi mererentur fieri confessores quos catholica postmodum gaudet ecclesia promeruisse martyres

Qui cum imminere suas cernerent passiones quas domino Jesu Christo docente didicerant repleti spiritus sancti gratia docuerunt

Gratias tibi domine qui infestantis inimici jacula probationem fidelium tuorum praestitisti esse et non vulnera sed talem tuis martyribus tribuis pro labore mercedem ut nullum tuorum fuisse gaudeat hostis imbellem