Optans suorum Maria lavare maculas delictorum

Pectore sincero Maria Christum dilexisti supra cujus pedes unguentum fudisti oscula sancta impressisti veniam peccaminum optinuisti

Quem te petimus pro nobis deprecari ut et nos per eum mereamur savari

Felix Maria unxit pedes domini et extersit capillis suis et domus impleta est ex odore unguenti

Mixto rore balsami fracto quoque alabastro unguento pretioso pedes unxit domini

Gloria patri et filio et spiritui sancto

Sit laus sit honor Christo summo rectori qui Mariae Magdalenae munus venie concessit et perennis gloriae

O mulier sancta lacrimarum fonte decorata funde pro nobis pios affectus ut nos miserorum valeamus carere aeterno fletu

Mole peccatorum gravati petimus relevari praec- -- sanctis

O diligens Christum et a Christo dilecta Maria tua festa celebrantibus adesto mente benigna ut qui peccatorum mole gravamur tuis auxiliis relevari valeamus

Compaciens nobis pietatis affectu offer pro nobis Christo sancta libamina praecum