Regnum tuum*

O lux*

Vespertina oratio*

Loquens dominus ad Noe dixit ponam arcum meum in nubibus caeli et erit signum foederis inter me et inter terram

In manu tua domine omnes fines terrae

Dixit dominus ad Noe finis universae carnis venit coram me repleta est terra iniquitate eorum et ego disperdam eos cum terra

Fac tibi arcam de lignis laevigatis mansiunculas in arca facies

Quadraginta dies et noctes aperti sunt caeli et ex omni carne habentem spiritum vitae ingressi sunt in arcam et clausit a foris ostium dominus

Noe vero et uxor ejus filii ejus et uxores filiorum ejus

Facto diluvio super terram quadraginta diebus multiplicatae sunt aquae et elevaverunt arcam in sublime a terra

Vehementer inundaverunt aquae et repleverunt omnia in superficiae terrae

Arca ferebatur super aquas et aqua nimium praevalente operti sunt montes excelsi sub universo caelo

Aqua cubitis quindecim supergrediens montes quos operverat

Deletis cunctis substantiis super terram remansit solus Noe et qui cum eo erant in arca

Consumpta vero omni carne et omnibus in quibus erat spiraculum vitae

Peractis centum quinquaginta diebus dominus aquas imminuit fontes abyssi et cataractas caeli clausit pluviasque de caelo cessare fecit

Recordatus dominus Noe et eorum qui erant cum eo

Requievit arca mense septimo super montes Armeniae et aquae ibant et decrescebant usque ad decimum mensem

Decimo enim mense primo die mensis cacumina montium apparuerunt

Volens Noe scire si jam cessassent aquae emisit columbam quae ramum virentis olivae in ore suo deferens ad arcam reversa est

Deferens autem signum clementiae dei columba more suo

Gloria patri et filio et spiritui sancto

Vobis datum est nosse mysterium regni dei ceteris autem in parabolis dixit Jesus discipulis suis

Exaltare domine*

Aedificavit Noe altare domino offerrens super illud holocaustum odoratus est dominus odorem suavitatis et benedixit eis crescite et multiplicamini et replete terram

Ego statuam pactum meum vobiscum et cum semine vestro post vos

Ponam arcum meum in nubibus caeli dixit dominus ad Noe et recordabor foederis mei quod pepigi tecum

Cumque obduxero nubibus caelum apparebit arcus meus in nubibus

Per memetipsum juravi dicit dominus non adjiciam ultra aquas diluvii super terram pacti mei recordabor ut non perdam aquis diluvii omnem carnem

Ponam arcum meum in nubibus caeli et jurabo per dexteram meam

Benedicens ergo deus Noe ait nequaquam ultra maledicam terrae propter homine ad imaginem quippe dei factus est homo

Gloria patri et filio et spiritui sancto

Secundum multitudinem miserationem tuarum domine dele iniquitatem meam

Deus meus es tu et confitebor tibi deus meus es tu et exaltabo te

Ad te de luce vigilo deus ut videam virtutem tuam

Hymnum dicite et superexaltate eum in saecula benedicite

Omnes angeli ejus laudate dominum de caelis

Aeterne*

Dominus regnavit*

Cum turba plurima conveniret ad Jesum et de civitatibus properarent ad eum dixit per similitudinem exiit qui seminat seminare semen suum

Exiit qui seminat seminare semen suum et dum seminat aliud cecidit in terram bonam et fecit fructum centuplum

Semen cecidit in terram bonam et attulit fructum aliud centuplum et aliud sexagesimum

Semen cecidit in terram bonam -- fecit fructum aliud centuplum

Semen cecidit in terram bonam et attulit fructum in patientia

Sede a dextris*

Spes mea*

Quod autem cecidit in terram bonam hi sunt qui in corde bono et optimo verbum dei retinent et fructum afferent in patientia