Regnum*

Clarifica me pater apud temetipsum claritate quam habui priusquam mundus fieret

Ipsi vero non cognoverunt vias meas quibus juravi in ira mea si introibunt in requiem meam

In die qua invocavi te domine dixisti noli timere judicasti causam meam et liberasti me deus meus

In die tribulationis meae clamavi ad te quia exaudisti me

Fratres mei elongaverunt a me et noti mei quasi alieni recesserunt a me

Amici mei et proximi mei

Attende domine ad me et audi voces adversariorum meorum numquid redditur pro bono malum quia foderunt foveam animae meae

Recordare quod steterim in conspectu tuo ut loquerer pro eis bona et averterem indignationem tuam ab eis

Salvum me fac deus quoniam intraverunt aquae usque ad animam meam non avertas faciem tuam a me quoniam tribulor exaudi me deus meus

Intende animae meae et libera eam propter inimicos meos eripe me

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam ut auferant eam

Dominus mecum est tamquam bellator fortis propterea persecuti sunt me et intellegere non potuerunt domine probans renes et corda tibi revelavi causam meam

Et vim faciebant qui quaerebant animam meam et qui inquirebant mala mihi locuti sunt vanitates

Synagoga populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis suis vulneraverunt me et concussa sunt omnia ossa mea ego autem aestimabam me tamquam mortuum super terram

Et dederunt in escam meam fel et in siti mea potaverunt me aceto

Hosanna filio David benedictus qui venit in nomine domini rex Israel hosanna in excelsis

Dominus Jesus ante sex dies paschae venit Bethaniam ubi fuerat Lazarus mortuus quem suscitavit Jesus

Convenerunt autem ibi multi Judaeorum ut Lazarum viderent

Cogitaverunt autem principes sacerdotum ut et Lazarum interficerent propter quem multi veniebant et credebant in Jesum

Testimonium ergo perhibebat turba quae erat cum eo quando Lazarum vocavit de monumento et suscitavit eum a mortuis

Cum audisset turba quia venit Jesus Jerusalem cum ramis palmarum processerunt ei obviam

Et cum appropinquasset ad decensum montis oliveti omnes turbae gaudentes et deum voce magna collaudantes

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audisset populus quia Jesus venit Jerusalem exierunt ei obviam

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam meam defende quia potens es domine

Cum angelis et pueris fideles inveniantur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Principes persecuti sunt me gratis et a verbis tuis formidavit cor meum laetabor ego super eloquia tua

Quasi qui invenit spolia multa

Lustra sex*

Insurrexerunt in me*

Turba multa quae convenerat ad diem festum clamabat domino benedictus qui venit in nomine domini hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Hosanna filio David*

Omnes collaudant nomen tuum et dicunt Benedictus qui venit in nomine domini hosanna in excelsis

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laude Christi voces sonant per nubila hosanna