Sacram hujus diei sollemnitatem humili celebremus devotione qua invictus Christi martyr Vincentius tyranno devicto insigne victoriae palmam caelo gaudens intulit

Regem sempiternum pronis mentibus adoremus qui martyrem suum digne pro meritis coronavit Vincentium

Sanctus Vincentius a pueritia studiis litterarum traditus superna sibi providente clementia gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Valerius igitur episcopus et levita Vincentius spe fruendi victoriae divinitus subnixi in confessione deitatis alacriter cucurrerunt

Sacram praesentis diei sollemnitatem humili celebremus devotione qua invictus Christi martyr Vincentius tyranno devicto insignem victoriae palmam caelo gaudens intulit

Peracto passionis suae venerando triumpho angelorum civibus comitatur

Sanctus Vincentius Christi martyr providente superna clementia quae sibi eum providebat vas electionis futurum gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Levita Vincentius dixit beato Valerio si jubes pater sancte responsis judicem aggrediar jam tibi fili carissime divini verbi curam commiseram nunc quoque pro fide qua adstamus responsa committo

Tibi enim gemina scientia pollenti ac superni amoris igne ferventi caelestis dei doctrinae ministerium delegavi

Tanto namque feliciores se esse credebant quanto acriora tyranni supplicia pia longanimitate certassent et vincerent

Levita Vincentius dixit beato Valerio si jubes pater sancte responsis judicem aggrediar

Jam tibi fili carissime divini verbi curam commiseram nunc quoque pro fide qua astamus responsa committo

Profitemur christianae religionis nos esse cultores ac unius veri dei permanentis in saecula famulos et testes

Unde minas tuas tyranne despicimus fundati in unius cultu deitatis

Ecce jam in sublime agor et omnes principes tuos saeculo altior tyranne despicio nolo gloriam meam minuas nec damna inferas laudi paratus sum enim ad omnia tormenta pro salvatoris nomine sustinenda

Insurge ergo et toto malignitatis tuae spiritu debacchare videbis me dei virtute plus posse quam possis ipse qui torques

Beatus dei athleta Vincentius horrendo clausis ergastulo carceris psalmum deo et hymnum angelorum frequentia relevatus laetus dicebat quorum vallatus caterva venerando fovebatur obsequio et mulcebatur alloquio

Dantur ergo laudes deo altissimo et resonante organo vocis angelicae modulata suavitas procul diffunditur

Beatus Vincentius cujus jam mens conscia coronae dixit Datiano Hactenus a te habitus sermo de neganda fide peroravit

Nefarium tamen apud christianorum prudentiam esse cognosce deitatis cultum abnegando blasphemare

Profitemur christianae religionis nos esse cultores ac unius veri dei permanentis in saecula famulos et testes

Agnosce o Vincenti invictissime quia pro cujus nomine fideliter decertasti ipse tibi coronam praeparatam servat in caelis qui te fecit victorem in poenis

Esto igitur jam securus de praemio jam de incta tyranno exorans quae Christum pro clere et pro cuncto simul populo

Gloriosus dei amicus Vincentius Jesu domini confessione fundatus inter tormentorum supplicia stetit imperterritus ac demum triumphali morte insignis caelos petivit sanguine laureatus

Intrepidus itaque dei athleta candentis ferri machinam ultro conscendit

Christi miles pretiosus levita Vincentius ut tribunal sponte agnum conscendit intrepidus cujus salis crepitantis per corpus minuties sparsim ibant atque prunae vernabantur sanguine

Inter haec manet immotus ille dei famulus orans Christum in sublime erectis luminibus

Assumptus ex equuleo levita Vincentius atque ad patibulum raptus moras carnificum arguendo ad poenam alacriter properabat

Intrepidus itaque candentis ferri machinam ultro conscendit ac demum manens immotus erectis in caelum luminibus dominum precabatur

Hinc horrendo carceris clausus ergastulo dei athleta angelorum venerando fovebatur obsequio et mulcebatur alloquio

Agnosce o Vincenti invictissime quia pro cujus nomine fideliter decertasti ipse tibi coronam praeparatam servat in caelestibus

Dantur ergo laudes deo altissimo et resonante organo vocis angelicae modulata suavitas procul diffunditur

O martyr insignis o fortis athleta Vincenti qui de victo multiplici penarum supplicio horrendo clausis ergastulo angelorum relevaris obsequio quorum participari praecamur collegio adjuti martyrii triumpho

Christi miles pretiosus levita Vincentius ut tribunal sponte rogum conscendit intrepidus cujus salis crepitantis per corpus minuties sparsim ibant atque prune vernabantur sanguine