Livore foedum sanguinis procurat paralyticum tam nocte quam in luminis cursu respirans modicum nam hunc in lecto proprio locaverat pro filio
Per hunc afflicta puerum martyr censeri potuit cujus nec sordes viscerum nec sanguinem exhorruit
Aman in patibulo cum Esther appendit holofernis dexteram in caput extendit et suum periculo populum defendit
Manum mittens ad fortia sic vincit innocentia
O lampas ecclesiae rivos fundens olei medicina gratiae nutrimentum fidei tutelam presta pavidis calorem minus fervidis languidis medelam