Ego plantavi Apollo rigavit deus autem incrementum dedit alleluia

Libenter gloriabor in infirmitatibus meis ut inhabitet in me virtus Christi

Gratia dei in me vacua non fuit sed gratia ejus semper in me manet

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus in nomine domini

Sancte Paule apostole praedicator veritatis et doctor gentium intercede pro nobis ad deum qui te elegit

Ibat igitur Saulus furia invectus dirumque toto pectore virus efflabat et sanctorum sanguinem sine intermissione sitiebat

Per totam Judaeam insania ferebatur ut Christi membra laniaret in terris

Gloria patri et filio et spiritui sancto

Doctor egregie*

Sit trinitati*

Tu es vas* R. Praedicator*

Vade Anania et quaere Saulum ecce enim orat quia vas electionis est mihi ut portet nomen meum coram gentibus et regibus et filiis Israel

A Christo de caelo vocatus et in terram prostratus ex persecutore effectus est vas electionis

Prostratus est saevissimus persecutor et erectus est fidelissimus praedicator

Celebremus conversionem sancti Pauli apostoli quia hodie ex persecutore effectus est vas electionis ideo gaudent angeli atque laetantur archangeli et collaudant in caelis filium dei

Deus praeordinavit ut videret justum et esset illi testis ad omnes gentes

Ego plantavi*

In omnem*

Tu es vas*

Doctor*

Sit trinitati

Cum autem complacuit ei qui me segregavit ex utero matris meae et vocavit per gratiam suam ut revelaret in me filium suum in gentibus continuo non acquievi carni et sanguini nec alibi ad antecessores meos apostolos

Audistis enim conversationem meam aliquando in Judaismo quoniam supra modum persequebar ecclesiam dei et expugnabam illam

Doctor egregie Paule mores instrue et mente polum nos transferre satage donec perfectum largiatur plenius evacuato quod ex parte gerimus