Hinc afflicta praesentatur praesidis aspectui sed libare dedignatur idolorum cultui hujus carne lacerari et in arta vinculari rursum jubet clausula
Deum orat et irrorat lux de caelo cujus velo sanatur paupercula
Laus perennis gloriae regi saeculorum qui invexit hodie coetibus polorum parvulam eximio regni coronans solio
Haec attente virgines cordibus signate quantis istam coruscare signis fecit dominus
Gloria patri et filio et spiritui sancto
Praecinxit ingenuam dominus splendore dum firmavit thronum ejus aureo fulgore
Stravit in laetitia cervitem agnella sic plectentis suscipit gladii flagella
Haec palmae victoriam fortiter adivit dum tortorum stimulos ferventer sitivit
Vidit deus opera quae faciebat tenera propterea benedixit eam in saecula
Triumphavit hodie Barbara fidelis juvenes et virgines laudate dominum de caelis