Magnus dominus et laudabilis nimis in civitate dei nostri in monte sancto ejus
Sancti mei qui in isto saeculo certamen habuistis mercedem laborum ego reddam vobis
Venite benedicti patris mei percipite regnum
Fulgebunt justi sicut lilium et sicut rosae in Jericho florebunt ante dominum
Justi autem in perpetuum vivent et apud dominum est merces eorum
Isti sunt sancti qui pro testamento dei sua corpora tradiderunt et in sanguine agni laverunt stolas suas
Tradiderunt corpora sua propter deum ad supplicia et meruerunt habere coronas perpetuas
Omnes sancti quanta passi sunt tormenta ut securi pervenirent ad palmam martyrii
De palma ad regna pervenerunt sancti coronam decoris meruerunt de manu dei
Corpora sanctorum in pace sepulta sunt et vivunt nomina eorum in aeternum
Martyres domini dominum benedicite in aeternum
Martyrum chorus laudate dominum de calis alleluia
Sancti tui domine benedicent te
Gloriam regni tui dicent et potentiam tuam loquentur
Mirabilis deus in sanctis suis
Ipse dabit virtutem et fortitudinem
Exsultent justi in conspectu dei
Et delectentur in laetitia
Rex gloriose*
Justorum animae*
Reddet deus*
Ecce merces sanctorum copiosa est apud deum ipsi vero mortui sunt pro Christo et vivent in aeternum
Dabo sanctis meis locum nominatum in regno patris mei dicit dominus
Sancti mei*
In caelestibus regnis sanctorum habitatio est et in aeternum requies eorum
Virgam virtutis tuae emittet dominus in splendoribus sanctorum
Generatio rectorum benedicetur quia exortum est lumen rectis
Venientes venient cum exsultatione portantes manipulos suos
Justi confitebuntur nomini tuo et habitabunt recti cum vultu tuo
Gloriosus deus*
Fulgebunt justi et tamquam scintillae in arundineto discurrent judicabunt nationes et regnabunt in aeternum alleluia
Justorum animae in manu dei sunt et non tanget illos tormentum malitiae
Si coram hominibus tormenta passi sunt spes electorum est immortalis in aeternum