Salve de radice Jesse orta felix mater Anna post serum sterilitatem Gabriele tibi pollicente fecunditatem ex te prodiit virga virgo Maria quae sola sustentat nostre ruine miseriam celebrantibus ergo tui memoriam divinam nobis impetra misericordiam

O gloriosa et superexaltata fac nos principes benedictionis tuae in saecula

Floret Anna in domo domini plantata gaudeamus et exsultemus ad ejus festina sollemnia

Ecce quam sanctitate fulsit in terris fulget in caelo interstellas aeternitatis

Dulciora super mel et favum amica dei percepit in praemium

Aeternales aperiuntur porte ut videat in suo decore Christum regem gloriae

Beata Anna justo ac sancto viro Joachim legaliter copulata in mandatis domini incedebat sine querela

Orationibus et eleemosynis vacantes legem domini servantes

Castum itaque conjugium celebrantes circiter bis denis con manebant steriles permanentes

Festivis temporibus Jerusalem sacrificia deferebant

Quodam igitur die schenophegiarum dum Yoachim domino sacrificaret a Ysachac est repulsam passus sterilitatis e logio vocatur

Propter quod a suis contribulibus extra civitatem seres sit pudore profusus

Procedit et regnat paradisus dilecte referatur assignatur thalamus

Vacat et videt quam suavis est rex glorie qui se contraxit in virgine

Veniat dilecta mea in paradisum meum percipiat fructum laborum suorum

Sancta vero Anna cum viro suo pridem votum voverat deo ut si prolem ipsis daret divino semper illam obsequio manciparet

Qui non spernit humiles deus exalto eorum exaudivit preces

O beata et gloriosa parens Anna que divinitus per electam lucernam Christo preparasti dei tibo tu propicia ipsi nos continua prece con menda

Ut eius propiciacio electorum nos suorum annumeret con foras

Solem iusticie regem paritura Maria sicut ab aurora de sancta prodiit auna

Cernere divinum lumen gaudete fideles

O civitas dei quam inhabitat Christi electa ubi canitur per vicos alleluia

O dilecta Christus apprehendit te et duxit te in domum matris sue et in cubiculum genitricis sui ibi cum filia regnas in secula

O felix mater filie que es regina glorie ornas polum presencia tuis precibus nos adiuva

Sancta Anna primitive lucis fulgens aurora stellam maris Mariam protulit per quam Christus sol iusticie mundo serenus illuxit

O felicem genitricem illam que talem genuit filiam

Inclyta stirps Yesse virgam produxit amenam de qua processit flos miro plenus odore

Est hec virga dei mater flos ortus ab illa

Te matrem virginis in excelsis laudant omnes angeli dicentes benedictus fructus ventris tui

Cherubin quoque et seraphin te benedicant et omnis celicus ordo dicat

Fortitudo et decorum indumentum eius et ridebit in die novissimo

Os suum aperuit sapiencie et lex clemencie in linua eius

Consideravit semitas domus sue et panem ociosa non comedit

Surrexerunt filii eius et beatissimam predicaverunt vir eius et laudavit eam

Multe filie congregaverunt divicias tu supergressa es universas

O digne colenda sancta Anna que sedentibus in tenebris et umbra mortis stella maris Mariam mundi dominam generavit ex qua natus oriens exalto per viscera misericordie sue Christus nos visitavit

O felix Anna quedam matrona legittima beato viro cui nomen Yoachim promeruit generare felicis sumam filiam qui nomen Maria

Gaude celum et exultet terra ad preclara beate Anne solemnia que nobis peperit Mariam mundi dominam reginam celi matrem regis eterni ave mater ave filia per vos reis gracia salvatoris conferatur et iustis aperiatur paradisi ianua