Splendet Bethleemiticus campus de candidata turba infantium pretiosa corpora pro Christo caesa jacent sub Herode

Ex ore infantium*

Adoremus dominum qui in sanctis gloriosus est

Sanctorum meritis*

Herodes videns quia illusus esset a magis misit in Bethleem et occidit omnes pueros qui erant in ea et in omnibus finibus ejus

Christus infans non despexit suos coaetaneos milites sed provexit quibus dedit ante triumphare quam vivere

Arridebat parvulus occisori gladio adjocabatur infantulus nutricis locum attendebat lactans percussoris horrorem

Norunt infantes laudare deum qui loqui non noverant fiunt periti laude qui fuerant imperiti sermone

Erigitur itaque infantium aetas in laudem quae delictorum non noverat crimen

Dignus a dignis laudatur et innocens Innocentium testimonio comprobatur

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub altare dei animas sanctorum propter verbum dei quod habebant et clara voce dicebant

Effuderunt sanguinem sanctorum velut aquam in circuitu Jerusalem et non erat qui sepeliret

Vindica domine sanguinem sanctorum tuorum qui effusus est

Sub throno dei omnes sancti clamant vindica sanguinem nostrum deus noster

Sub altare dei audivi voces occisorum clamantium et dicentium

Laverunt stolas suas et candidas eas fecerunt in sanguine agni

Isti sunt qui venerunt ex magna tribulatione et laverunt stolas suas

Licuit sanguine loqui quibus lingua non licuit miscent cum domino colloquia quibus humana negata sunt verba

O beata lactantium gloria quibus pro Christo contigit dedicari martyrio

Audivi voces occisorum sub altare dei voce clara dicentium quare domine non defendis sanguinem nostrum deus noster

Sub altare dei clamabant sancti dei vindica sanguinem nostrum et acceperunt divinum responsum adhuc sustinere modicum tempus dicit dominus donec impleatur numerus fratrum nostrorum

Clamant clamant clamant dominum Innocentes resonat luctus multis matribus in excelsis gaudet ecclesia super martyres alleluia

Innocentes pro Christo infantes occisi sunt ab iniquo rege lactantes interfecti sunt ipsum laudantes agnum sine macula et dicunt semper gloria tibi domine

Isti sunt sancti qui passi sunt propter te domine vindica eos quia clamant ad te cottidie

Isti sunt qui non inquinaverunt vestimenta sua quorum sanguis innocenter effusus est

Isti sunt sancti qui non inquinaverunt vestimenta sua ambulabunt mecum in albis quia digni sunt

Hi sunt qui cum mulieribus non sunt coinquinati virgines enim sunt

Ambulabunt mecum in albis quoniam digni sunt et non delebo nomina eorum de libro vitae

Omnes scribentur in libro meo et non delebo nomina eorum

Centum quadraginta quattuor milia qui empti sunt de terra hi sunt qui cum mulieribus non sunt coinquinati virgines enim permanserunt ideo regnant cum deo et agnus dei cum illis

Hi empti sunt ex hominibus primitiae deo et agno et in ore ipsorum non est inventum mendacium

O quam gloriosum est regnum in quo cum Christo gaudent innocentes amicti stolis albis sequuntur agnum quocumque ierit

Cantabant sancti canticum novum ante sedem dei et agni et resonabat terra in voces illorum

Sub throno dei omnes sancti clamant vindica sanguinem nostrum deus noster

Adoraverunt viventem in saecula saeculorum mittentes coronas suas ante thronum domini dei sui

Et ceciderunt in conspectu throni in facies suas et benedixerunt viventem in saecula

Vox in Rama audita est ploratus et ululatus Rachel plorans filios suos noluit consolari quia non sunt

Iratus Herodes jussit omnes pueros occidi in Bethleem Judae

Hodie martyrum flores innocentium persecutionis atrox pruina decoxit nam pretiosa nece glorificati oblati sunt domino cum quo gaudent et regnabunt per omnia saecula

Donetur nobis eorum quaesumus meritis venia quorum pro Christi infantia caesa est innocentia

Gloria patri et filio et spiritui sancto

Herodes iratus occidit multos pueros in Bethleem Judae civitate David

A bimatu et infra occidit multos pueros Herodes propter dominum

Vox in Rama audita est ploratus et ululatus Rachel plorans filios suos

Sub throno dei omnes sancti clamant vindica sanguinem nostrum deus noster

Cantabant sancti canticum novum ante sedem dei et agni et resonabat terra in voces illorum

Ex ore infantium simul et lactentium

Perfecisti laudem domine deus*

Hi sunt qui cum mulieribus non sunt coinquinati virgines enim sunt et sequuntur agnum quocumque ierit

Herodes iratus*

Ecce vidi agnum stantem supra montem Sion et cum eo sanctorum milia et habebant nomen ejus et nomen patris ejus scriptum in frontibus suis

Vox in Rama*

Cantabant sancti*

Laverunt*

Ecce vidi*