Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est vere filius dei liberet illum de manibus nostris morte turpissima condemnemus eum

Haec cogitaverunt et erraverunt excaecavit enim illos malitia eorum

Viri impii dixerunt opprimamus virum justum injuste et deglutiamus eum tamquam inferi vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Tamquam nugaces aestimati sumus ab illo et abstinet se a vis nostris tamquam ab immundicus et profert novissima justorum

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Judicasti domine causam animae meae redemptor vitae meae

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Simon dormis non potuisti una hora vigilare mecum

Libera me*

Circumdederunt me*

Cottidie apud vos eram in templo docens et non me tenuistis et ecce flagellatum ducitis ad crucifigendum