Bethleem non es minima in principibus Juda ex te enim exiet dux qui regat populum meum Israel ipse enim salvum faciet populum suum a peccatis eorum

Surgite vigilemus quia veniet rex

Jerusalem cito veniet salus tua quare moerore consumeris numquid consiliarius non est tibi quia innovabit te dolor salvabo te et liberabo te noli timere

Israel si me audieris non erit in te deus recens neque adorabis deum alienum ego enim dominus

Alieni non transibunt per Jerusalem amplius nam in illa die stillabunt montes dulcedinem et colles fluent lac et mel dicit dominus

Ego veniam dicit dominus et sanabo contritionem populi mei

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

Ecce cum virtute veniet et regnum in manu ejus et potestas et imperium

Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Venite ascendamus ad montem domini et ad domum dei Jacob

Civitas Jerusalem noli flere quoniam doluit dominus super te et auferet a te omnem tribulationem

Ecce in fortitudine veniet et bracchium ejus dominabitur

Ecce veniet dominus protector noster sanctus Israel coronam regni habens in capite suo

Et dominabitur a mari usque ad mare et a flumine usque ad terminos orbis terrarum

Sicut mater consolatur filios suos ita consolabor vos dicit dominus et de Jerusalem civitate quam elegi veniet vobis auxilium et videbitis et gaudebit cor vestrum

Dabo in Sion salutem et in Jerusalem gloriam meam

Ecce dies veniunt dicit dominus et suscitabo David germen justum et regnabit rex et sapiens erit et faciet judicium et justitiam in terra et hoc est nomen quod vocabunt eum dominus justus noster

In diebus illis salvabitur Juda et Israel habitabit confidenter

Levabit dominus signum in nationibus et congregabit dispersos Israel

Jerusalem plantabis vineam in montibus tuis et exsultabis quia dies domini veniet surge Sion convertere ad deum tuum gaude et laetare Jacob quia de medio gentium salvator tuus veniet

Exsulta satis filia Sion jubila filia Jerusalem

Egredietur dominus de Samaria ad portam quae respicit ad orientem et veniet in Bethleem ambulans super aquas redemptionis Judae tunc salvus erit omnis homo quia ecce veniet

Et praeparabitur in misericordia solium ejus et sedebit super illud dicans in aequitate

Me oportet minui illum autem crescere qui post me venit ante me factus est cujus non sum dignus corrigiam calciamenti ejus solvere

Hoc est testimonium quod perhibuit Joannes

Rex noster adveniet Christus quem Joannes praedicavit agnum esse venturum

Ecce agnus dei ecce qui tollit peccata mundi

Ecce in nubibus caeli dominus veniet cum potestate magna alleluia

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudem et omnia ligna silvarum plaudent manibus quoniam veniet dominus dominator in regnum aeternum alleluia alleluia

Ecce dominus noster cum virtute veniet ut illuminet oculos servorum suorum alleluia

Ostende nobis domine misericordiam tuam

Et salutare tuum da nobis

Vox clamantis*

Super solium David et super regnum ejus sedebit rex in aeternum alleluia

Ecce in nubibus*

Urbs fortitudinis*

Ecce apparebit*

Ecce dominus*

Beata es Maria quae credidisti perficientur in te quae dicta sunt tibi a domino alleluia